माओवादी सचिव गजुरेल पनि उपप्रधान मन्त्रीको सूचीमा

लिम्वूवान डट व्लगस्पोट डटकम,काठमाडौं

भदौ १५,वर्तमान सरकारको मुख्य साझेदार मधेसी मोर्चाले मानेमा माओवादीबाट सचिव सीपी गजुरेल पनि उपप्रधान मन्त्री हुने भएका छन्। उसले मानेमा आफू उपप्रधान तथा परराष्ट्र मन्त्रीको जिम्मेवारमा रहने जानकारी गजुरेल नै दिएका हुन। रिपोर्टर्स क्लबले बिहीबार आयोजना गरेको साक्षात्कार कार्यक्रममा उनले यस्तो जानकारी दिएका हुन। गजुरेलले पार्टीभित्र सबै पक्षलाई ध्यानमा राखेर सरकारमा पठाउने र त्यसैअनुरुप कार्य विभाजनसमेत हुने पनि स्पष्ट पारे। अर्कोतर्फ प्रधान मन्त्री बाबुराम भट्टराई र उपप्रधान मन्त्री विजयकुमार गच्छदारले बिहीबारसम्म मन्त्रिपरिषद् गठन भइसक्ने बताए पनि दुवै पार्टीमा यसबारे विवाद साम्य हुन सकेको छैन। माओवादी अध्यक्षले आफ्नो पार्टीबाट मन्त्री हुनेहरुको नाम टुङ्गो लगाउन सकेका छैनन् भने मधेसी मोर्चामा पनि मन्त्री को हुने भन्ने विषयमा तीब्र विवाद चुलिएको छ। खासगरी कमाइ हुने मन्त्रालय ताक्ने र त्यसमा पनि यही व्यक्ति हुनुपर्छ भन्ने अडानका कारण मन्त्रीहरु तोकिन नसकेका हुन। दुवै पार्टीमा मन्त्री चयनका लागि व्यापक बहस र छलफल जारी छ। तर यो यतिबेलासम्म टुङ्गिन्छ भन्ने अनुमानचाहिँ गर्न सकिने अवस्था छैन।