बम विष्फोट हुँदा एक जनाको घटनास्थलमै मृत्यु

लिम्वूवान डट व्लगस्पोट डटकम,काठमाडौं

नेपालगन्जस्थित यातायात व्यवस्था कार्यालय सोमबार मध्यान्ह सवा एक बजेतिर बम विष्फोट हुँदा एक जनाको घटनास्थलमै मृत्यु भएको छ । बिष्फोटका बेला कार्यालयभित्र ठूलो संख्यामा सेवाग्राहीहरु थिए ।
बिष्फोटबाट कार्यालयपछाडिका कोठाहरु, एउटा मोटरसाईकल र साईकलमा क्षति पुगेको छ । कार्यालयको पछाडिपट्टीको ढोका छेउ सो बिष्फोटन भएको थियो । बिष्फोटबाट मृत्युभएका व्याक्तिको हात र खुट्टा क्षत-विच्छेद छ । निलो आकाशे रंगको सर्ट र पाइन्ट लगाएका ती व्याक्तिको शव भत्केको ढोकाको फलेकमा घोप्टो परेको छ । मृतक कार्यालयका कर्मचारी र सेवाग्राही नरहेको कार्यालयले जनाएको छ । बिष्फोट गराउने क्रममा उनको मृत्युभएको प्रहरीले प्रारम्भीक अनुमान गरेको छ ।