लिम्वूवान डट व्लगस्पोट डटकम,काठमाडौं
पेसावर/ तालिवान विद्रोहीहरूले बिहीबार पाकिस्तानको एक जिल्लामाथि नियन्त्रण गरेका छन् । राजधानी इस्लामावादबाट करिब सय किलोमिटर टाढा रहेको बनेर जिल्लामा उनीहरूले पाँच जाँच चौकी खडा गरेका छन् । साथै मस्जिदहरूसमेत आफ्नो अधीनमा लिएका छन् । हतियारधारी सयौँ लडाकु सम्मिलित डपmफाले जिल्लालाई नियन्त्रणमा लिएपछि तालिवान गतिविधिबारे अन्तर्राष्ट्रिय क्षेत्रमा चासो बढेको छ । 'तालिवानहरूले बनेर जिल्लाका सडकमा गस्ती गर्न सुरु गरेका छन्,' स्थानीय प्रहरी अधिकारी रसिद खानले बताए । विद्रोहीहरूको नियन्त्रण अन्त्यका लागि स्थानीय जिल्ला प्रशासनका अधिकारीले तालिवानसँग वार्ता गरिरहेको उनले बताए । एक तालिवान कमान्डरले बनेर जिल्लामा सरिया कानुन कडाइका साथ लागू गर्ने बताए ।
No comments:
Post a Comment