उत्तरकोरियाले प्लुटोनियम उत्पादन प्रशोधन सुरु

लिम्वूवान डट व्लगस्पोट डटकम,काठमाडौं

बेइजिङ/ उत्तरकोरियाले शनिबारदेखि प्लुटोनियम उत्पादनका लागि चाहिने आणविक ऊर्जा रडहरूको पुनः प्रशोधन सुरु गरेको छ । आपनो मुलुकलाई अणु अस्त्रले सुसज्जित पार्न कार्यक्षेत्रमै उत्रने उत्तरकोरियाले गत साता चेतावनी दिएको थियो । उत्तरकोरियाली विदेश मन्त्रालयका एक प्रवक्ताले सरकारी समाचार संस्था (केसिएनए)मार्फत भने, 'विदेश मन्त्रालयले अपि्रल १४ मा घोषणा गरेअनुसार खर्चिसकेका ऊर्जा रडहरूको पुनः प्रशोधन पाइलट एटोमिक पावर प्लान्टबाट थालिएको छ । शत्रु राष्ट्रहरूबाट आएको बढ्दो सैन्य खतरासँग हरतरहबाट सामना गर्न सक्ने आणविक प्रतिरक्षा कायम गर्न यसले मद्दत पुर्‍याउनेछ ।' ६ राष्ट्र सम्मिलित निःशस्त्रीकरण वार्ताबाट अप्रिल १४ मा उत्तरकोरिया बाहिरिएको थियो । त्यसवेला मुलुकको मुख्य आणविक केन्द्र योङ्ब्योन परिसरलाई पुनः सञ्चालनमा ल्याउने र ऊर्जा रडहरूको प्रशोधन पुनः सुरु गर्ने उत्तरकोरियाले बताएको थियो ।