मोसो दलेको घटनाप्रति विद्यार्थी तथा प्राज्ञिक क्षेत्रबाट विरोध

लिम्वूवान डट व्लगस्पोट डटकम,काठमाडौं

त्रिभुवन विश्व- विद्यालयका उपकुलपति प्रा.डा. माधवप्रसाद शर्मा र शिक्षाध्यक्ष सूर्यलाल अमात्यलाई बुधबार अनेरास्ववियु क्रान्तिकारीले मोसो दलेको घटनाप्रति विभिन्न विद्यार्थी संगठन तथा प्राज्ञिक क्षेत्रबाट विरोध भएको छ ।क्रान्तिकारीले उपकुलपति र शिक्षाध्यक्षमाथि अमर्यादित व्यवहार गरेको भन्दै अनेरास्ववियु, नेविसंघलगायतका संगठनले विरोध गरेका छन् । अनेरास्ववियुका महासचिव माधव ढुंगेलले बिहीबार प्रेस विज्ञप्ति जारी गरी घटनाको निन्दा तथा भत्र्सना गरेका छन् । नेपाल विद्यार्थी संघले पनि सो घटनाको विरोध गरेको छ । नेविसंघका अध्यक्ष प्रदीप पौडेलले माग पूरा गराउने नाममा क्रान्तिकारीले जंगली शैली अपनाएको बताए ।त्रिभुवन विश्वविद्यालयले पनि प्रेस विज्ञप्ति निकालेर अराजकपूर्ण व्यवहार भन्दै सो घटनाको भत्र्सना गरेको छ ।