नेपालमा स्वाइन फ्लु पत्ता लगाउन कार्यक्रम सञ्चालन

लिम्वूवान डट व्लगस्पोट डटकम,काठमाडौं

नेपालमा स्वाइन फ्लुका रोगी भए/नभएको अवस्था पत्ता लगाउन स्वास्थ्य मन्त्रालयले विभिन्न कार्यक्रम सञ्चालन गरेको छ । मन्त्रालयअन्तर्गतको इपिडिमियोलोजी तथा रोग नियन्त्रण महाशाखाले स्वाइनफ्लु रोगका बिरामी पत्ता लगाउन सघन कार्य सुरु गरिसकेको जनाएको छ । त्यस्तै, राष्ट्रिय जनस्वास्थ्य प्रयोगशालालाई रोगका भाइरस टाइपिङ गर्न पूर्वतयारीका कार्य अघि बढाउन सक्रिय पारिएको महाशाखाले जनाएको छ । मास्क र एन्टिभाइरल भण्डारण बढाउने निर्णय गरिएको महाशाखाले मंगलबार जारी गरेको विज्ञप्तिमा उल्लेख छ । रोग प्रभावित मुलुकबाट आउने पर्यटकको स्वास्थ्य परीक्षणका लागि त्रिभुवन अन्तर्राष्ट्रिय विमानस्थलमा स्क्रिनिङ व्यवस्था मिलाउने कार्य समेत भइरहेको बताइएको छ । रोग प्रभावित मुलुकबाट आउने पर्यटकलाई कार्ड भराउने र रोगको शंका देखिए तत्काल स्वास्थ्य संस्थामा जचाउन अनुरोध गरिनेछ । त्यसका लागि गृह तथा पर्यटन मन्त्रालयसँग समन्वय भइरहेको महाशाखाले जनाएको छ । त्यस्तै, विश्व स्वास्थ्य संगठन नेपालले सर्भिलेनस, यात्रु स्त्रिmनिङ, मास्क र औषधि भण्डारणमा महाशाखालाई सहयोग गर्ने बताएको छ । मेक्सिकोमा देखापरेको स्वाइनफ्लु प्रकोपका अमेरिकाको क्यालिफोर्निया, टेक्सास, कन्सास, ओहियो, नयुयोर्कमा समेत फैलिइसकेको छ । त्यस्तै, पmान्स, क्यानडा, न्युजिल्यान्डमा, इजरायल र बेलायतमा समेत सो रोगको प्रकोप देखिएको छ । सो रोगबाट मेक्सिकोमा मात्र १६ सयभन्दा बढी प्रभावित भइसकेका छन् भने एक सय ५४ को मृत्यु भइसकेको छ ।