संविधान निर्माण कार्यतालिका फेरि हेरफेर हुने

लिम्वूवान डट व्लगस्पोट डटकम,काठमाडौं

नयाँ संविधान निर्माणका लागि संविधानसभाले तयार गरेको कार्यतालिका फेरि हेरफेर हुने भएको छ । कार्यव्यवस्था परामर्श समितिको मंगलबार बसेको बैठकले कार्यतालिका हेरेफेर गर्ने निर्णय गरेको हो । स्रोतका अनुसार बुधबार बस्ने संविधानसभा बैठकले कार्यतालिका हेरफेर गर्नेछ । समितिहरूले आगामी ८ जेठभित्र अवधारणा र प्रारम्भिक मस्यौदा तयार गरिसक्ने र ९ जेठदेखि ३१ असारसम्म संविधानसभा बैठकमा प्रारम्भिक मस्यौदामाथि छलफल गर्ने गरी कार्यतालिका हेरफेर गरिने भएको छ । साउन र भदौमा संवैधानिक समितिले मस्यौदाको एकीकृत रूपमा छलफल गर्ने तथा १ देखि २५ असोजसम्म संविधानको मूल मस्यौदामा सैद्धान्तिक छलफल गरिनेछ ।