बैशाख ११ आज लोकतन्त्र दिवस मुलुकभर

लिम्वूवान डट व्लगस्पोट डटकम,काठमाडौं

बैशाख ११ आज लोकतन्त्र दिवस मुलुकभर विभिन्न कार्यक्रम गरी मनाइदैंछ । जनआन्दोलनको बलमा तीन वर्ष अगाडि आजैका दिन तात्कालिन राजा ज्ञानेन्द्रले आफूमा केन्द्रीत गरेका अधिकार संसद पुनस्र्थापना गरी जनतामा फिर्ता गरेका थिए ।राजाले घुंडा टेकेर लोकतन्त्र पुर्नवहाली भएको सम्झनामा यो दिवस मनाउने गरिन्छ ।आजको दिन सरकारले सार्वजनिक विदा समेत दिंदै आएको छ । लोकतन्त्र दिवसका अवसरमा विभिन्न दलका प्रमुखहरुले शुभकामना सन्देश दिदै नगरिक सर्वोच्चता तथा पूर्ण लोकतन्त्रमा जोड दिएका छन् । लोकतन्त्र दिवसकै अवसरमा राजधानीको टुडिखेलमा विशेष कार्यक्रमको आयोजना गरिएको छ । कार्यक्रममा राष्ट्रपति डा.रामवरण यादव,उपराष्ट्रपति परमानन्द झा, प्रधानमन्त्री पुष्पकमल दाहाल,प्रधानन्यायधीश केदारप्रसाद गिरी तथा संवैधानिक निकायका प्रमुखहरु सहभागी छन् । जनआन्दोलन सफलताको तेस्रो वर्ष मनाइरहँदा जनआन्दोलनको मर्म अनुसार राजनीति दलहरु राष्ट्रिय हितमा एकतावद्ध भएर अघि नबढेको चौतर्फी गुनासो विद्यमान छ ।