मीनबहादुर रायमाझीलाई प्रधानन्यायाधीशमा सिफारिस

लिम्वूवान डट व्लगस्पोट डटकम,काठमाडौं

वैशाख १६ - संवैधानिक परिषद्ले सर्वोच्च अदालतका न्यायाधीश मीनबहादुर रायमाझीलाई प्रधानन्यायाधीशमा सिफारिस गरेको छ । आउँदो वैशाख २१ गतदेखि रिक्त हुने उक्त पदमा वरिष्ठताका आधारमा रायमाझी छनौट भएका हुन् । उनी प्रधानन्यायाधीशका लागि योग्य ६ न्यायाधीशमध्ये सवैभन्दा वरिष्ठ थिए । सरकारको नेतृत्व गरेको माओवादीले परिवर्तनलाई आत्मसाथ गर्नेलाई यो पदमा ल्याइनुपर्ने र वरिष्ठतालाई मात्र आधार मान्न नहुने वताउँदै आएपनि अन्ततः पुरानै मान्यता अनुरुपको निर्णय गर्न सहमत भएको हो । प्रधानन्यायाधीशका लागि सिफारिस उनको नाममा संसदीय सुनुवाई विशेष समितिमा पठाइने छ । त्यहाँबाट पारित भएपछि उनको नियुक्ती हुने छ । प्रधानमन्त्री पुष्पकमल दाहालको अध्यक्षतमा वुधवार वेलुकापख वालुवाटारमा वसेको परिषद् वैठकले रायमाझीलाई सर्वसम्मत प्रधानन्यायाधीशमा छनौट गरेको हो ।