News

Apr 27, 2009

राष्ट्रपति सरकारी निवास शीतलनिवास सर्ने

लिम्वूवान डट व्लगस्पोट डटकम,काठमाडौं
दस महिना डेरामा बसेका राष्ट्रपति डा. रामवरण यादवलाई सरकारी निवास शीतलनिवास सर्ने साइत जुरेको छ । झकिझकाउ राणाकालीन दरबार प्रवेशका लागि उनका पुरोहित र ज्योतिषले साइत जुराएका छन्- सोमबार मध्याह्न एक बजेर १७ मिनेट ।गृह प्रवेशका लागि ज्योतिष र पुरोहितले जुराएको साइतमा नै उनी निवास प्रवेश गर्ने तयारीमा छन् । शीतलनिवास छिर्नुअघि उनले त्यहाँ पूजापाठ गर्नेछन् । त्यसपछि पुरोहितको निर्देशनअनुसार राष्ट्रपति यादव सरकारी निवासमा छिर्नेछन् । राष्ट्रपतिका प्रेस सल्लाहकार राजेन्द्र दाहालले भने, 'उहाँ सोमबारदेखि शीतलनिवासमा नै बस्नुहुन्छ ।' शीतलनिवासमा रहेको ११ वटा कोठा राष्ट्रपतिको आवासका लागि छुट्याइएका छन् । ती कोठालाई राष्ट्रपति सुत्ने कोठा, बाथरुम, सचिवालय, बैठक कक्ष, किचेन, अतिथि कक्ष, उनको सुरक्षार्थ खटिएका सुरक्षाकर्मीका लागि समेत गरी ११ वटा कोठा उनका लागि सरकारले छुट्याएको छ । राष्ट्रपति डा. यादवले धापासीबाट शीतलनिवास सर्न हतारो गरेपछि सोमबारको साइत निकालिएको पारिवारिक स्रोतले बतायो ।

No comments: