प्रहरी निरीक्षक यौनसम्पर्क गर्दागर्दै पक्राउ

लिम्वूवान डट व्लगस्पोट डटकम,काठमाडौं

युवती अपहरणबारे हाकिमलाई रिपोर्ट गर्न उनको क्वाटरमा पुगेका प्रहरी जिल्ल परे, जब उनीहरूले देखे युवती हाकिमकै कोठामा बेहोस अवस्थामा । नग्न अवस्थामा भेटिएका हाकिम र युवतीलाई उनीहरूले नियन्त्रणमा लिएका छन् । इलाका प्रहरी कार्यालय धरानमा कार्यरत प्रहरी निरीक्षक गोपाल गिरीलाई उनकै मातहतका प्रहरी जवानहरूले रंगेहात पक्राउ गरेका हुन् । उनले धरानकै २२ वर्षीया रीता गुरुङ (नाम परिवर्तन) लाई अपहरण शैलीमा गाडीमा हालेर क्वाटरमा ल्याई रातभरि यौनक्रीडा गरेका थिए । बिपी कोइराला स्वाथ्य विज्ञान प्रतिष्ठान धरानको ५ नम्बर साइडको ५ नम्बर कोठा उनको क्वाटर हो । गिरी र यती एयरलाइन्समा कार्यरत धरान- ८ की इन्दु राईको पहिल्यैदेखि चिनजान थियो । त्यही वेला सोल्टिनी नाताले राईलाई रीताले आफू दुर्घटनामा परेको बताउँदै उपचारका लागि लिन आउन भनेकी थिइन् । त्यसपछि राईले गिरीलाई पठाइएको र गिरीले कार्यालयको गाडी लिएर सीधै उनलाई क्वाटरमा ल्याएर राखेका थिए । राति आठ बजे क्वाटरमा ल्याएर गुरुङ, राई, गिरी र अन्य दुईजना युवकसमेतले राति १२ बजेसम्म मदिरा सेवन गरेको प्रहरी स्रोतले जनाएको छ । १२ बजेपछि राई र अन्य दुई युवक क्वाटरबाट बाहिरिएको अनुसन्धानबाट खुलेको छ । रीता लामो समयसम्म नर्फकेपछि आफन्तले इलाका प्रहरी कार्यालय धरानमा फोन गरेर आफ्नो मान्छे अपहरणमा परेको खबर गरेका थिए । रातको समयमा अपहरण भएको खबर आउनासाथ तत्काल प्रहरी र सुराकी अपहरणकारीको खोजीमा परिचालित भए । जनपद प्रहरीले सशस्त्र प्रहरीलाई समेत अपहरणकारीको खोजीका लागि सहयोगको माग गरेको थियो । त्यसैगरी, अपहरणकारी भाग्न नसकोस् भनेर सुनसरीका अन्य स्थानमा रहेका इलाका प्रहरी कार्यालय, छिमेकी जिल्लाका प्रहरी कार्यालय र सुनसरी प्रहरी कार्यालयमा खबर गरियो । इलाका प्रहरी कार्यालय धरानका कनिष्ठ प्रहरी तथा सादा पोसाकमा प्रहरी धरानबाट साँझ अपहरण भएको युवतीका विषयमा जानकारी गराउन हाकिम(गिरी)को क्वाटरमा सोमबार बिहान पुगेका थिए । त्यहाँ पुग्दा खोजी गरिएकी युवती र प्रनि गिरी नांगै यौनक्रीडा गरिरहेको अवस्थामा फेलापारेको प्रहरी स्रोतको दाबी छ । युवती भने बेहोस थिइन् । बिहान अबेर मात्र उनको होस खुलेको थियो । निरीक्षक गिरी बलात्कारको आरोपमा पक्राउ परेका छन् । पीडितका आफन्तले उनीमाथि अपहरण र बलात्कारको आरोप लगाएका छन् । जिल्ला प्रहरी कार्यालय सुनसरीले गिरीलाई नियन्त्रणमा लिएर अनुसन्धान अगाडि बढाएको छ । प्रनि गिरीले आफूलाई साथी इन्दु राईले फसाएको बताएका छन् । रीतालाई क्वाटरमा ल्याए पनि यौनसम्पर्क नगरेको उनको दाबी छ । मदिरा खाएर रातको समयमा क्वाटरमा युवती राखेकाले गिरीमाथि अनुसन्धान गरी कानुनअनुसार कारबाही गरिने सुनसरीका प्रहरी प्रमुख राजेन्द्रमान श्रेष्ठले बताए । गिरी र ती युवतीको स्वाथ्य परीक्षण गराइएको छैन ।