आठ सहायक रथीको फैसला बैशाख २७ मा हुने

लिम्वूवान डट व्लगस्पोट डटकम,काठमाडौं

वैशाख १५ - नेपाली सेनाका आठ सहायकरथीको पदावधि विवादबारे अदालतमा बिचाराधीन मुद्धाको फैसला सरेको छ । सर्वोच्च अदालतले २२ गतेभित्र बहस नोट प्रस्तुत गर्न सम्बन्धित दुबै पक्षलाई आदेश दिएपछि फैसला सरेको हो । यसअघि रिटमाथि सुनुवाइ सोमबार सकिएपछि मंगलबार फैसला सुनाइने बताईएको थियो । न्यायाधीशद्वय अनुपराज शर्मा र प्रेश शर्माको संयुक्त इजलासले हालसम्म दुबै तर्फबाट भएका बहसको लिखित पेश गर्न आदेश दिएको छ । बहस नोट अध्ययनपछि मात्रै बैशाख २७ गते फैसला सुनाइने भएको छ । आठ सहायक रथीको पदावधि नथप्ने रक्षाको निर्णय विरुद्ध परेको रिटमा सर्वोच्चले सहायक रथीको अवकास प्रकृया तत्कालको लागि रोक्न अन्तरिम आदेश जारी गरेको थियो ।
उक्त अन्तरिम आदेश खारेजीको माग गर्दै रक्षाले सर्वोच्चमा मुद्धा दायर गरेको हो ।