ज्ञानेन्द्र र पारसबीच सम्बन्ध झन् बिग्रियो

लिम्वूवान डट व्लगस्पोट डटकम,काठमाडौं

पूर्वराजा ज्ञानेन्द्र र उहाँका पुत्र पारसबीच अहिले सम्बन्ध झन् बिग्रिएको छ। पूर्वयुवराज पारस सिंगापुरबाट फर्किएको दुइ साता नाघे पनि बाबुछोराबीच भेटघाट र बोलचालसमेत भएको छैन। सिंगापुरमा रहँदा त्यहाँको दैनिक द न्यु पेपरलाई अन्तर्वार्ता दिँदै पूर्वयुवराज पारसले आफना पिता ज्ञानेन्द्रप्रति आक्रोश व्यक्त गर्नुभएको थियो र सो अन्तर्वार्ताले गर्दा सम्बन्धमा झन् दरार उत्पन्न भएको थियो। उहाँले अन्तर्वार्तामा भन्नुभएको थियो- म उहाँ (ज्ञानेन्द्र)लाई सधै नयाँ पुस्ताको सल्लाह लिन आग्रह गर्थे जसले नेपाललाई अगाडि बढाउन सक्थे तर उहाँले सधै बूढापाकाको मात्रै कुरा सुन्नुभयो। पूर्वयुवराज पारसले आफना बाबु ज्ञानेन्द्रसँग बस्न नसक्ने भएपछि देश छोडेको र त्यस बेला नेपालमा रहनु आफना लागि सुरक्षित नभएको बताउनुभएको थियो तर नेपाल फर्किएपछि दुवै जना निर्मलनिवासभित्रै हुनुहुन्छ तथापि भेटघाट भने छैन।पारसको नेपाल आगमनको दुइवटा उद्देश्य भएको उहाँका निकटस्थहरूले बताएका छन्। सिंगापुरमा व्यापार गर्न बाबुसँग पैसा माग्नु र नेपालमा पार्टीठनका लागि सहयोगीहरूसँग छलफल गर्नु आगमनको उद्देश्य भए पनि पारसका यी दुवै उद्देश्य भने पूरा नहुने भएका छन्। सिंगापुरको सो दैनिकलाई पारसले पार्टी खोलेर ब्यालेटको सहयोगबाट सत्तामा पुग्ने र अन्तर्राष्ट्रिय अर्थतन्त्रमा सुधार आएपछि सेयरको कारोबार गर्ने बताउनुभएको थियो।नेपाल फर्किएपछि बाबुछोराबीच भेटघाटसम्म नहुनुले उहाँले व्यापारमा लगाउने पैसा पाउने स्थिति नदेखिएको पारसका सहयोगीहरूले जानकारी दिए। बाबुछोरा दुवै निर्मलनिवासमै बसेका छन् तर खाना खाने समयमा पनि एकसाथ कहिल्यै हुँदैनन्। ज्ञानेन्द्र सधैँ नियमित समयमा खाना खान आउनुहुन्छ तर पारस भने खाना खान कहिले पनि समयमा आउनुहुन्न -स्रोतले भन्यो।पारस निर्मलनिवासमा बसेका कारण पूवराजा ज्ञानेन्द्र गणतन्त्र घोषणापछि नेपाल सरकारसँग आग्रह गरेर नागार्जुन दरबार जानुभएको थियो।पछिल्लो समयमा पारस सिंगापुर गएपछि उहाँ निर्मल निवास आउनुभएको हो। चार महिनायता पूव राजा ज्ञानेन्द्र निर्मल निवासमा आएर मुख्य भवनमा बस्नुभएपछि पारस भने सिंगापुरबाट फर्किएर निर्मल निवासकै पछाडि उत्तरतर्फो भवनमा बस्दै आउनुभएको छ।के पारसले अन्तर्वार्तामा भनेजस्तै पार्टी खोल्ने काम अगाडि बढ्छ त भन्ने प्रश्नमा पारसका सहयोगीले ठट्टापूणॅ जवाफ दिए- पार्टीम्छ। पारसका अत्यन्त सहयोगीको रूपमा रहेका पूर्वप्रहरी महानिरीक्षक हेमबहादुर सिंहका छोरा प्रवञ्जन सिंह, नीर शमशेरका नाति राजेश राणा र धीरेन्द्रका ज्वाइँ राजीव शाही हरेक दिन ३:३० बजे निर्मल निवासमा भेट हुन्छन् र मदिरापान गर्दै राति करिब १० बजेसम्म पार्टी खोल्ने कुरा गर्दै जम्ने र र्फकने गरेका छन्।पारसले अन्तर्वार्तामा आफनो पार्टी युवा, बैंकर्स, प्रोफेसनल र देशका लागि भिजन भएकाहरूलाई सामेल गर्ने बताए पनि हाल पार्टीथापनका लागि ग्याङ स्टारहरूसँग कुरा गरिरहेको पाइएको छ। शाहज्यादा हुँदा पारसको ग्याङ स्टारहरूसग राम्रो सम्बन्ध थियो तर पछि ज्ञानेन्द्र सत्तामा आएपछि भने पारसले विभिन्न ग्याङहरूलाई लडाएर सिध्याउने काम थालेपछि कटुतापूणॅ सम्बन्ध शुरू भएको थियो। पारसको नेपाल आगमनले उहाँको पारिवारिक वातावरण भने केही सुध्रिएको जस्तो देखिएको छ। पत्नी हिमानीसमेत पारससँग सिंगापुरमा बस्न नसकेर फर्किए पनि पारस नेपाल फर्किएपछि भने सम्बन्ध मधुर नै रहेको स्रोतले बतायो।