News

Apr 25, 2009

दुर्व्यसनमा फसेका ११ जना किशोरको शव झाडीमा

लिम्वूवान डट व्लगस्पोट डटकम,काठमाडौं
दुर्व्यसनको कुलतमा लागेकाहरूको अकालमा मृत्यु त हुन्छ नै । तर, उनीहरूमध्ये अधिकांशको मृत्यु झाडीमा हुने गरेको छ । लागूपदार्थको दुर्व्यसनमा फसेका कञ्चनपुरका ११ जना किशोरको झाडीमा मृत्यु भएको पाइएको छ । 'कुन झाडीमा मृत्यु हुन्छ, ठेगान छैन ।' दुव्र्यसनबाट मुक्त भएका रवीन्द्र भट्टले साथीहरू गुमाएको बताउँदै भने, 'थाहै नपाई मरिने रै'छ ।' लागूपदार्थ दुव्र्यसनीको क्षेत्रमा काम गर्ने असहाय सेवा संघ कञ्चनपुरले गरेको अध्ययनअनुसार तीन वर्षयता दुर्व्यसनमा फसेका ११ जना किशोरको शव झाडीमा भेटिएको हो । 'मर्नेहरू सबैको शव जंगलको झाडीमा भेटिएको छ,' संघका दीपक चन्दले भने । उनका अनुसार सुईको प्रयोग र नशालु औषधिको सेवन गरेर लटि्ठएको अवस्थामा दुर्व्यसनीको मृत्यु भएको पाइएको छ । कञ्चनपुरमा करिब तीन सय किशोर/किशोरी दुर्व्यसनीमा फसेको अनुमान गरिएको छ । तीमध्ये अधिकांश १६ देखि २५ वर्ष उमेर समूहका छन् । उनीहरूले भारतीय सहर बनवासा, टनकपुर, खटिमा, पिलभित, गौरीफन्टाबाट लागूपदार्थ ल्याउने गरेका छन् । 'भारतीय सहरहरूमा खुला बिक्री हुन्छ, सजिलै किनेर ल्याउँछन्,' दुर्व्यसनी मुक्त चन्दले बताए । उनका अनुसार दुर्व्यसनीले नफिर्न, फिनारगन, डाइजीपाम, लुपुजेसी, टिडी जेसिसलगायतका सुई, ब्राउन सुगर, गाँजा र चरेस तथा कोरेक्स, फेन्सिडल, नाइट्रोसन, नाइट्रोम्याटलगायतका औषधि सेवन गर्ने गरेका छन् ।

No comments: