बेलायती नयाँ राजदूत जोन टक्नट् आई पुगे नेपाल

लिम्वूवान डट व्लगस्पोट डटकम,काठमाडौं

श्रावण २८ २०६७,बेलायती नयाँ राजदूत जोन टक्नट् आफ्नो कार्यभार सम्हाल्न शुक्रबार बिहान आई पुगेका छन् । यसअघिका राजदूत एन्ड्रु हलको अवधी सकिएर फर्केपछि जोन आएका हुन् । परराष्ट्र मन्त्रालयका सहायक शिष्टाचार महापाल र बेलायती चार्ज डे'अफेयिर्सले त्रिभूवन विमानस्थलमा उनको स्वागत गरेका थिए । 'नेपालजस्तो संस्कृति र इतिहासको धनी देशमा सेवा गर्न पाउँदा म गौरवान्वित भएको छु । म बेलायत र नेपालका जनतालाई अझ निकट ल्याउने आशा गर्दछु' टक्नट्को भनाइ बेलायती दूतावासले जारी गरेको बिज्ञप्तिमा उल्लेख छ । उनीसंगै उनकी श्रीमती रिटा-लीना पनि छन् । सन् १९७७ मा परराष्ट्र सेवामा प्रवेश गरेका जोन यसअघि ग्लोवल इन्भेष्टमेन्ट कन्फरेन्स २०१० का निर्देशक थिए । सन् २००७ देखि ०९ सम्म उनले इराकको राजधानी बग्दादमा मिसन उपप्रमुखको रुपमा काम गरेका थिए ।