टिकट प्रदर्शनीमा नेपाललाई चारवटा पदक प्राप्त

लिम्वूवान डट व्लगस्पोट डटकम,काठमाडौं

थाइल्यान्डको राजधानी बैङ्ककमा भर्खरै सम्पन्न २५ औँ एसियाली अन्तर्राष्ट्रिय हुलाक टिकट प्रदर्शनीमा नेपाललाई चारवटा पदक प्राप्त भएको छ ।नेपाल फिलाटेलिक सोसाइटीबाट प्राप्त जानकारीअनुसार नेपालका प्रतियोगी नारायणदास श्रेष्ठको क्लासिक नेपाल सङ्ग्रहले भर्मेल पदक प्राप्त गरेको छ ।यसैगरी विनय मानन्धरको मिस प्रीन्ट एन्ड एरर स्टाम्पस् सङ्ग्रह र दीपक मानन्धरको स्टेसनरी अफ नेपाल सङ्ग्रह दुवैले लार्ज सिल्भर पदक प्राप्त गरेका छन् भने ओमकारलाल जोशीको रिभेन्यु स्टाम्पस् अफ नेपाल सङ्ग्रहले सिल्भर पदक प्राप्त गरेको छ ।सो अन्तर्राष्ट्रिय प्रदर्शनीमा नेपालका तर्फबाट राष्ट्रिय आयुक्त दीपक मानन्धर रहनुभएको थियो भने निर्णायक समितिका सदस्यमा श्यामप्रसाद प्रधान हुनुहुन्थ्यो ।नेपालका हुलाक टिकट सङ्कलकहरुले प्रतियोगितात्मक अन्तर्राष्ट्रिय हुलाक प्रदर्शनीहरुमा नियमितरूपमा भाग लिई विभिन्न पदक हासिल गर्ने गरेका छन् ।