अर्को निर्वाचनको तयारीका लागि समिति बैठक

लिम्वूवान डट व्लगस्पोट डटकम,काठमाडौं

प्रधानमन्त्री निर्वाचनको विषयमा छलफल गर्न व्यवस्थापिका संसद कार्यव्यवस्था परामर्श समितिको बैठक बस्ने भएको छ। बैठक संविधानसभा भवन नयाँ बानेश्वरमा बस्न लागेको हो । आजको बैठकले आज हुने प्रधानमन्त्री निर्वाचनबाट पनि प्रधानमन्त्री चयन हुने सम्भावना नरहेकाले अर्को निर्वाचनको मिति तय गर्नेछ।पाँच पटकसम्म पराजित प्रधानमन्त्रीका प्रत्यासी एकीकृत नेकपा माओवादीका अध्यक्ष पुष्पकमल दाहाल प्रचण्ड र कांग्रेस संसदीय दलका नेता रामचन्द्र पौडेल कसैको पक्षमा पनि बहुमत आउने देखिएको छैन ।यसअघि साउन ५, ७, १७, २१ र भदौ ७ गते भएको निर्वाचनले राष्ट्रलाई प्रधानमन्त्री दिन सकेको छैन । प्रधानमन्त्रीका लागि छैठौ पटकको निर्वाचनका लागि संसद बैठक दिउँसो ३ बजे संविधानसभा भवन नयाँ बानेश्वरमा बस्ने कार्यक्रम छ।