गोइत समूहका जिल्ला इन्चार्ज पक्राउ

लिम्वूवान डट व्लगस्पोट डटकम,काठमाडौं

वीरगन्ज,जिल्ला प्रहरी कार्यालय पर्साले जनतान्त्रिक तराई मुक्तिमोर्चा (गोइत समूह) का पर्सा जिल्ला इन्चार्जलाई पक्राउ गरेको छ ।प्रहरीले गोइत समूहका पर्सा इन्चार्ज चन्दन भनिने जीतेन्द्र शाहलाई हतियारसहित पक्राउ गरेको हो ।बारा जिल्ला निवासी शाहलाई प्रहरीको विशेष टोलीले आफ्नो नियन्त्रणमा लिएको पर्सा प्रहरीले जनाएको छ ।विभिन्न व्यक्तिको हत्या, अपरण, लुटपाट, चन्दा आतङ्कमा उनको संलग्नता रहेको पनि प्रहरीले दाबी गरेको छ । उनलाई पर्सा प्रहरीले आफ्नो हिरासतमा राखी अनुसन्धान प्रक्रिया अगाडि बढाएको छ ।यसअघि करिब दुई हप्ताअघि पनि पर्सा प्रहरीले ज्वाला सिंह समूहका पर्सा इन्चार्ज आकाश भनिने भाजु पटेललाई पक्राउ गरेको थियो ।