दुई जना लिम्बुवान कार्यकर्तालाई पक्राउ

लिम्वूवान डट व्लगस्पोट डटकम,काठमाडौं

झापा, श्रावण २१ - स्वचालित चिनिया पेस्तोलसहित झापाको बुधबारे-९ बाट सशस्त्र सीमा सुरक्षा बलले जाँचका क्रममा दुई जना लिम्बुवान कार्यकर्तालाई पक्राउ गरेको छ । गएराति १०:३० बजेको समयमा बुधबारे-९ हडियाखोलाको पुलमा मोटरसाइकल तलासी लिनेक्रममा झापा बुधबारे-९ का देवेन्द्र सिंह र अनारमनी- ४ विर्तामोडका प्रज्वल पौडेललाई दुई राउन्ड गोली र पेस्तोलसहित पक्राउ गरिएको सशस्त्र सीमा सुरक्षा बल झापाका डिएसपी प्रेमराज पोखरेलले बताए । सिंहको साथबाट सङ्घीय लिम्बुवान राज्यपरिषद्को साधारण सदस्यको परिचयपत्र भेटिएको पोखरेलले दावी गरे । उनीहरुले चढेको मे२प २७१५ नं को मोटरसाइकललाई पनि प्रहरीले नियन्त्रणमा लिएको छ ।