११ मधेसी सभासद्लाई भौतिक जनकारबाही गर्ने धम्की

लिम्वूवान डट व्लगस्पोट डटकम,काठमाडौं

नेपालगन्ज, श्रावण २० - जनतान्त्रिक तराई मधेश मुक्ति पार्टी नामक भूमिगत संगठनले प्रधानमन्त्रीको निर्वाचनमा माओवादी अध्यक्ष पुष्पकमल दाहललाई मतदान गरेका एघार मधेसी सभासद्लाई भौतिक जनकारबाही गर्ने धम्की दिएको छ । पार्टी तराईमा हिंसात्मक गतिबिधि गर्दै आएको शसस्त्र समुह हो । उक्त समूहका अध्यक्ष तथा सर्बोच्च सैन्य कमाण्डार बताउने भगत सिंहले बिहीबार प्रेस बिज्ञप्ति मार्फत दाहललाई मतदान गर्ने मधेसी सभासद्हरुलाई भौतिक कारबाही गर्ने केन्द्रीय कमिटीले निर्णय गरेको दावी गरेका हुन् ।
'माओवादी अध्यक्ष दाहललाई मतदान गर्ने मधेसी सभासद मधेसका कुपुत्र हुन्,' उनले हस्ताक्षर गरेको बिज्ञप्तिमा भनिएको छ- 'माओवादीलाई मत दिई मधेसीको चाहना र आकांक्षा बिरुद्ध काम गरेका छन ।'
उक्त सशस्त्र समूहले ६ दिन अघि सत्ताका लागि माओवादीसंग हातेमालो गर्ने मधेशवादी राजनीतिक दलका नेतालाई भौतिक कारबाही गर्ने धम्की दिएको थियो । तर, उक्त चेतावनीको वेवास्ता गरेको भन्दै सिंहले सभासद् रेनू कुमारी यादव, अभिषेख शाह, ओमप्रकाश यादव, शिवपुजन राज यादव, जयराम यादव, इस्तेयाक राई, श्रवाणकुमार अग्रवाल, बिजय यादव, आत्मराज प्रताप शाह, नन्दकुमार र हरिराम यादवको नामै किटेर कारबाहीको धम्की दिएको हो ।