प्रहरी र अपहरणकारीबीच दोहोरो भिडन्त

लिम्वूवान डट व्लगस्पोट डटकम,काठमाडौं

राजविराज, साउन १९,गस्तीमा खटिएका सशस्त्र प्रहरी र अपहरणकारीबीच मंगलबार राति सप्तरीको खोक्सर प्रवाहा गाविसमा दोहोरो भिडन्त भएको छ। भिडन्तमा कुनै पनि पक्षबाट मानवीय क्षति नभएको प्रहरीको दाबी छ। सप्तरीको कल्याणपुरस्थित भवानी प्रसाद सकलप्रसाद रामप्रसाद उच्च माविका विद्यालय ब्यवस्थापन समितिका अध्यक्ष भिखन चौधरीको अपहरण गर्नेहरुको खोजतलासमा गएका गस्ती टोलीमाथि खोक्सर प्रवाहा गाविस पुगेको प्रहरी टोलीमाथि मकै बारीबाट फायरिङ्ग भएपछि प्रहरी टोलीले समेत जवाफी फायरिङ्ग गरेको थियो।प्रहरीको जवाफी कारबाहीपछि अज्ञात अपहरणकारीहरुको समूह भागेको सशस्त्र प्रहरी बल सिमा सुरक्षा कार्यालय राजविराजले जनाएको छ। विद्यालय ब्यवस्थापन समितिका अध्यक्ष चौधरी गत शनिबारदेखि नै अपहरणमा परेको उनको अवस्था हालसम्म अज्ञात रहेको छ। ५५ बर्षिय चौधरीलाई अपहरणकारीहरुले शनिबार राति घरबाटै अपहरण गरी लगेको परिवारजनको कथन छ।