केटी जिस्क्याएको विवादमा झडप/एकको मृत्यु

लिम्वूवान डट व्लगस्पोट डटकम,काठमाडौं

कैलाली, २३ साउन,केटी जिस्क्याएको विवादमा शनिबार साँझ गोदाबरीमा दुई समूहका युवाबीच झडप हुँदा एकको मृत्यु भएको छ　। कैलालीको खानीडाँडाबाट पिकनिक गएका युवाबीच झडप भएको हो　।झडपमा दुवै पक्षका केही युवा घाइते भएका छन्　। गम्भीर घाइते कैलाली मालाखेती-७ अत्तरियाका २२ वर्षीय जंगबहादुर गुरुङलाई अत्तरियामा उपचारका लागि ल्याउँदै गर्दा बाटैमा मृत्यु भएको थियो　। घटनामा संलग्न आठलाई प्रहरीले पक्राउ गरेको छ　। कञ्चनपुर भीमनगर नगरपालिका सात र धनगढीका एक गरी आठजनाले गुरुङलाई आक्रमण गरेका थिए　। गम्भीर घाइते गुरुङलाई उपचारका लागि स्कुटीमा अत्तरिया ल्याउन खोजिएको थियो　। तर, ढुंगामुढा गरिएपछि अनियन्त्रित स्कुटी दुर्घटना हुँदा गुरुङको खसेर मृत्यु भएको प्रहरीको भनाइ छ　। से१प ९३४८ नम्बरको स्कुटी अनियन्त्रित भई पल्टिँदा चालक रविन्द्र रावत पनि घाइते भएका छन्　। उनी पनि स्कुटी पल्टिनुअघि आठजनाको समूहबाट निर्घात कुटिएका थिए　। अन्य दुई भने भाग्न सफल भएका छन्　।