अनमिन गए मध्यरातीबाट विदा

लिम्वूवान डट व्लगस्पोट डटकम,काठमाडौं

संयुक्त राष्ट्र सङ्घीय शान्ति मिसन अनमिन गए मध्यरातीबाट विदा भएपछि आजदेखि उसले गर्दै आएको सबै काम माओवादी लडाकुको रेखदेख समायोजन र पुनः स्थापनसम्बन्धी विशेष समितिको जिम्मामा आएको छ ।
अनमिनले माओवादी लडाकु शिविर रेखदेख र हतियार अनुगमनको जिम्मेवारी सम्हाल्दै आएको थियो । अनमिन हिजोदेखि बिदा भएपछि विशेष समितिले नै सबै काम गर्न लागेको हो । प्रधानमन्त्री संयोजक रहेको सेना र हतियारको व्यवस्थापन रेखदेख तथा अनुगमन विशेष समितिको हिजो बसेको बैठकले चार ओटै सुरक्षा निकायबाट दुई दुई जना प्रतिनिधि रहने समितिलाई शिविरको जिम्मेवारी दिने निर्णय गरेको थियो ।
समितिले आजैदेखि माओवादीका सात ओटै शिविरमा पुगेर काम थाल्ने भएको छ । प्रधानमन्त्री माधवकुमार नेपाल र एकीकृत नेकपा माओवादीका अध्यक्ष पुष्पकमल दाहाल प्रचण्डबीच हिजो अनुगमनका लागि विशेष समिति र मातहतको सचिवालयबाट प्रतिनिधित्व हुने ६ सदस्यीय कार्यदल गठन गर्ने सहमति भएको थियो । सो समितिले नेपाली सेनाको एक र लडाकुको सात वटा हतियारको कन्टेनरको अनुगमन पनि गर्ने छ । यसैबीच विशेष समिति अन्तर्गतको सचिवालयको बैठक अहिले केहीबेरपछि बस्दै छ ।