राष्ट्रिय झण्डा र राष्ट्रिय दलको परिभाषालाई २८ दलले समर्थन

लिम्वूवान डट व्लगस्पोट डटकम,काठमाडौं

हिजो बसेको तीन दलको कार्यदलले सहमति जुटाएको राष्ट्रिय झण्डा र राष्ट्रिय दलको परिभाषालाई आज बसेको संविधानसभामा प्रतिनिधित्व गर्ने २८ दलले समर्थन गरेका छन् । नयाँ सहमति अनुसार अब नेपालको राष्ट्रिय झण्डा अहिले कायम रहेकै रातो पृष्ठ भूमिमा सुर्य चन्द्र अंकित भएको र किनारामा निलो रंग भएको झण्डा लाई नयाँ संविधानमा पनि उल्लेख गरिने छ । तर त्यस्को ब्याख्या भने अहिलेसम्म भएको आन्दोलनको भावनालाई समेटने गरी उल्लेख गर्ने सहमति २८ वीच भएको छ । त्यसैगरी यसअघि तीन प्रतिशत मत ल्याउने दलले मात्रै राष्ट्रिय दलको रुपमा मान्यता पाउने भनि ठूला दलहरुले राख्दै आएको अडानमा पनि सहमति भएको छ । नयाँ सहमति अनुसार अब निर्वाचनमा भाग लिने सबै राजनीतिक दलले राष्ट्रिय दलको मान्यता पाउने छ । त्यसैगरी आजको बैठकमा मताधिकारको उमेर र कति सदनात्मक सदन हुने भन्ने विषयमा छलफल गरे पनि कुनै सहमति बन्न भने सकेन ।