अमेरिकाको ग्रिनकार्ड आश्वासनमा विश्वास नगर्न आग्रह

लिम्वूवान डट व्लगस्पोट डटकम,काठमाडौं
काठमाडौंस्थित अमेरिकी दूतावासले कसैले अमेरिकाको ग्रिनकार्ड मिलाइदिन्छु वा डीभी पारिदिन्छु भनेर दिएको आश्वासनमा विश्वास नगर्न आग्रह गरेको छ। अमेरिकी दूतावासद्वारा मंगलबार जारी वक्तव्यमा भनिएको छ- डीभी उल्लेख भएका वा ग्रिनकार्ड दिने भनिएका कुनै पनि इमेल प्राप्त भए ती इमेलमा भएका विवरण सबै अवैध र जालसाजीपूर्ण हुन् भन्ने बुझ्नुपर्छ। डीभीसम्बन्धी सूचना इमेलबाट नपठाइएको जनाउँदै डीभी चिट्ठा वा ग्रिनकार्ड जितेकॊ भनेर पठाइएका सबै इमेल झूटा भएको स्पष्ट पारिएको छ । तर सन् २०१२ को डीभीका लागि आवेदन दिएकाहरुले आफ्नो आवेदनको अवस्थाको जानकारी डीभीलोट्टरी डटस्टेट डट जीओभीमा २०६८ वैशाख १८ पछि पाउन सक्ने वक्तव्यमा उल्लेख गरिएको छ।