सरकारले चार जना सचिवको सरुवा निर्णय

लिम्वूवान डट व्लगस्पोट डटकम,काठमाडौं

सरकारले चार जना सचिवको सरुवासहित विभिन्न महत्वपूर्ण निर्णय गरेको छ । प्रधानमन्त्रीको कार्यालय सिंहदरबारमा सोमबार बिहान बसेको मन्त्रिपरिषद्को बैठकले चारजना सचिवको सरुवा गर्नुका साथै विभिन्न निर्णयहरू गरेको सरकारका प्रवक्ता एवम् सूचना तथा सन्चारमन्त्री शङ्कर पोखरेलले जानकारी दिए । मन्त्रिपरिषद्को बैठकले काठमाडौँ महानगरपालिकाका कार्यकारी प्रमुख आनन्दप्रसाद पोख्रेललाई क्षेत्रीय प्रशासन कार्यालय सुर्खेत, शिविर व्यवस्थापन समितिबाट शितलबाबु रेग्मीलाई ऊर्जा मन्त्रालयमा, केशव भट्टराईलाई भूमिसुधार तथा व्यवस्थापन मन्त्रालयको सचिवमा र छविलाल पन्तलाई क्षेत्रीय प्रशासन कार्यालयको प्रमुखमा सरुवा गरिने निर्णय भएको सरकारका प्रवक्ता पोखरेलले जानकारी दिए ।