राष्ट्रपति भारतको दशदिने औपचारिक भ्रमणमा जाँदै

लिम्वूवान डट व्लगस्पोट डटकम,काठमाडौं

राष्ट्रपति रामवरण यादव आज बिहीबारदेखि भारतको दशदिने औपचारिक भ्रमणमा जाँदै हुनुहुन्छ। उहाँकी सुपुत्री अनिता यादव तथा संस्कृतिमन्त्री मीनेन्द्र रिजाल भ्रमणदलमा सहभागी हुँदै हुनुहुन्छ। अमेरिका पुग्नुभएका मन्त्री रिजाल दिल्लीमा सहभागी हुने उल्लेख छ। भ्रमणदलमा राष्ट्रपतिका राजनीतिक मामिला सल्लाहकार हरि शर्मा उहाँकै कार्यालयका सचिव निजी चिकित्सक दुई एडीसी तथा परराष्ट्रसचिव र परराष्ट्रकै अन्य उच्चपदस्थ अधिकारीहरु सहभागी हुने जनाइएको छ।भ्रमणका क्रममा राष्ट्रपति यादवले भारतका राष्ट्रपति प्रधानमन्त्री तथा मन्त्रिपरिषद्का अन्य सदस्य र विपक्षी दलका नेतालगायत अन्य व्यक्तित्वहरुसँग भेटघाट गर्नुहुनेछ। उहाँले पहिले आफूले पढेका त्यहाँका दुईवटा कलेजका समारोहमा सहभागिता जनाउने स्वास्थ्यपरीक्षण गराउने र विभिन्न स्थानको दृश्यावलोकन गर्ने थप कार्यक्रम छ।