लडाकु हस्तान्तरणको अमेरिकाद्वारा स्वागत

लिम्वूवान डट व्लगस्पोट डटकम,काठमाडौं

माओवादी शिबिरमा रहेका लडाकुहरुलाई सेना समायोजन विशेष समितीको मातहतमा ल्याएकोमा अमेरिकाले स्वागत गरेको छ । शक्तिखोर, चितवनमा लडाकू समिति अन्तर्गत गएको घोषणा गरे लगत्तै काठमाडौंस्थित अमेरिकी दूताबासले एक विज्ञप्ति प्रकाशित गर्दै हस्तान्तरण कार्य शान्ति प्रक्रियमा सकरात्मक कदम भएकोभन्दै स्वागत गरेको हो । अन्तरार्ष्ट्रिय समुदाय तथा नेताहरुलाई साक्षी राखेर प्रधानमन्त्री तथा माओवादी अध्यक्ष पुष्पकमल दाहालले गरेको सहमतिले शान्ति प्रक्रिया, नयाँ संविधान मस्यौदा तथा नयाँ सरकार गठन प्रक्रियालाई सघाउने आशा अमेरिकाले लिएको बिज्ञप्तिमा भनिएको छ ।
चितवनको शक्तिखोरस्थित तेस्रो डिभिजनमा आज आयोजित एक विशेष समारोहमा माओवादी सेनालाई विशेष समितीअन्तर्गत ल्याइनुले शान्ति प्रक्रियाका अधुरा कामहरु, नयाँ संविधान र सरकार निर्माणमा सहयोग पुग्ने बिज्ञप्तीमा उल्लेख गरिएको छ।