नयाँ प्रधानमन्त्री निर्वाचन प्रणालीमा सहमति जुट्यो

लिम्वूवान डट व्लगस्पोट डटकम,काठमाडौं

प्रमुख राजनीतिक दलहरुवीच प्रधानमन्त्री निर्वाचनको नयाँ प्रणालीमा जाने विषयमा लामो समयदेखि रहँदै आएको विवादमा सहमति जुटेको छ । प्रधानमन्त्री निर्वाचनको पुरानो प्रकि्रया निरर्थन प्रमाणित भएको भन्दै दलहरुले संसद नियमावलीमा संसोधन गरेर नयाँ प्रकि्रयामा निर्वाचन अगाडि बढाउने सहमति गरेका थिए । सोही सहमति अनुसार गठित संसोधन समितिमा प्रमुख तीन दलले अलग अलग अडान राख्दा नियमावली संसोधन हुन सकेको थिए । सोही कारण व्यवस्थापिका संसदको बैठकसमेत लगातार अबरुद्ध हुँदै आएको थियो । समितिका सदस्य अग्नी खरेलका अनुसार प्रधानमन्त्रीको निर्वाचनमा एक मात्र उम्मेदवार भएमा बिश्वासको मत लिनु पर्ने दुई जना उम्मेदवार भएमा पक्षमा मात्र मत हाल्न पाउने र तीन वा तीन भन्दाबढि उम्मेदवार बनेमा दुई पटकसम्म सबै उम्मेदवारले भाग लिन पाउने र त्यसपछि बढि मत ल्याउने दुई जना मात्र प्रतिस्पर्धामा रहने ब्यवस्थामा सहमति भएको हो । सहमति जुटेको संशोधन प्रस्ताव आजै अपरान्ह बस्ने संसदको बैठकमा प्रस्तुत गरिने छ ।