कैलालीमा अनिश्चतकालीन यातायात बन्द

लिम्वूवान डट व्लगस्पोट डटकम,काठमाडौं

नेपाल विद्युत् प्राधिकरणलाई तिर्नुपर्ने सूचीकृत ऋण मिनाहा र लोडसेडिङ बन्द गरिनुपर्ने माग गर्दै उपभोक्ताहरूले बुधबार बाट अनिश्चतकालीन कैलाली जिल्लामा यातायात बन्द गरेका छन् । उनीहरूले पूर्व-पश्चिम राजमार्गमा पर्ने लम्की, चौमला, सुखड, राजिपुर बौनीया, मुढा, पहलवानपुरलगायतका ठाउँमा प्रदर्शन गरेर यातायात बन्द गराइरहेका छन् । कैलालीमा पर्ने राजमार्गका विभिन्न ठाउँमा विद्युत् उपभोक्ताहरूले नारा जुलुससहित बन्द गराइरहेका छन् । एकातिर सूचीकृत ऋण तिर्नुपर्ने अर्कोतिर चर्को विद्युत् महसुल तिर्नुपर्ने तर लोडसेडिङले दैनिक क्रियाकलाप प्रभावित भएको भन्दै उनीहरूले राजमार्गका छेउमा रहेका बजारसमेत बन्द गराएका छन् ।