गायक कुमार कान्छाको ५३ वर्षको उमेरमा निधन

लिम्वूवान डट व्लगस्पोट डटकम,काठमाडौं

गायक कुमार कान्छाको ५३ वर्षको उमेरमा सोमबार निधन भएको छ । मेरुदण्डको पक्षघातबाट पीडित कान्छाको उपचारका क्रममा भारतको मुम्बईमा रहेको रहेजा अस्पतालमा सोमबार दिउँसो निधन भएको हो । पक्षघातबाट पीडित कान्छा तीन महिना अघि उपचारार्थ रहेजा अस्पतालमा भर्ना हुनुभएको थियो।
उहाँले जीन्दगीको के भर छ र बतासैले उडाइ लग्यो माया मेरो लगायत एक सयभन्दा बढी नेपाली चलिचत्रमा गीत गाउनुभएको छ। उहाँले २ वटा नेपाली गिती एल्बम समेत निकाल्नु भएको थियो भने केही नेपाली चलचित्रमा अभिनय समेत गर्नुभएको थियो । कान्छाको जन्म बि.सं. २०१४ साल मंसिर २८ गते भएको थियो ।