अब निजामती कर्मचारीका पोसाक उस्तै

लिम्वूवान डट व्लगस्पोट डटकम,काठमाडौं

माघ १२ - अबका केही सातापछि सरकारी कार्यालय पुग्नु भयो भने तपाईं झुक्किन सक्नुहुन्छ । किनभने पियन हुन् या प्रमुख सबै एउटै पोसाकमा देखिने छन् । सरकारले निजामती कर्मचारीलाई पनि नेपाली सेना र प्रहरीलाई जस्तै 'ड्रेस कोड' लागू गर्दैछ । त्यसपछि निजामती प्रशासनको सबभन्दा उच्च पद मुख्यसचिवदेखि तल्लो तह पियनसम्म सबैका पोसाक उस्तै हुनेछन् । यसका लागि करिब ७५ हजार कर्मचारीलाई प्रतिव्यक्ति वाषिर्क साढे सात हजार रुपैयाँ पोसाक भत्ता दिइनेछ । त्यसमा बर्सेनि राज्यको ५६ करोड रुपैयाँ खर्च हुनेछ । निजामती प्रशासनमा सबै कर्मचारीको मनोबल बढाउन तथा अनुशासन र मर्यादामा राख्न यो व्यवस्था ल्याइएको उच्च सरकारी अधिकारीले जनाए ।