२८ दलको बैठकद्वारा संविधानसभाको नियमावलीलाई संसोधन गर्ने

लिम्वूवान डट व्लगस्पोट डटकम,काठमाडौं

नयाँ संविधानमा लेख्ने विवादित विषयमा सहमति जुटाउन बसेको संविधानसभामा प्रतिनिधित्व गर्ने २८ दलको बैठकले संविधान निर्माणकोको विषयलाई थप गति दिन संविधानसभाको नियमावलीलाई संसोधन गर्ने सहमति गरेको छ । त्यसैगरी आजको बैठकमा विवादित ८३ मध्ये तीन महत्वपूर्ण बुँदामा छलफल भईएको तर कुनै सहमति भने बन्न नसकेको नेताहरुले जानकारी दिएका छन् । आजको बैठकमा शासकीय स्वरुप राज्यको व्यवस्थापिकीय अङ्ग र निर्वाचन प्रणालीका विषयमा छलफल भएको थियो । यद्यपी बैठकले विवादित विषयमा सहमति जुटाउन छलफललाई निरन्तरता दिने सहमति भने गरेको छ ।