सरकार गठनमा बिषयमा छलफल गर्न शिर्ष नेताको बैठक बस्दै

लिम्वूवान डट व्लगस्पोट डटकम,काठमाडौं

सहमतिय सरकार गठन विषयमा छलफल गर्न मुख्य तीन दलका शिर्ष नेताको बैठक आइतबार बस्दै छ । सिंहदरबारस्थित शान्ति मन्त्रालयमा विहान साढे एघार बजे बस्ने बैठकमा सरकारको नेत्रित्व, शक्ती बाँडफाँड, सेना समायोजनक बिषयमा छलफल हुने बताइएको छ ।प्रमुख ३ दल जसको नाममा सहमती हुन्छ उसैको नेत्रित्वमा सरकार गठन गर्न सहमत भएपछी सरकार निर्माणको काम सहज हुने अपेक्षा गरिएको छ । एकीकृत नेकपा माओवादीले नेपाली काङ्ग्रेस र नेकपा एमालेले यसअघिको बैठकमा सरकारको दावेदारीसहित शान्तिप्रक्रिया तथा संविधान निर्माणबारे आ-आफ्नो मार्गचित्र पेश गरेका थिए ।विधानसभामा सबैभन्दा ठूलो दलको हैसियतले शान्ति र संविधानलाई निष्कर्षमा पुर्‍याउन आफ्नै नेतृत्वमा सरकार गठन हुनुपर्ने माओवादीको तर्क छ ।यसैगरी काङ्ग्रेसले भने माओवादी र एमालेले यसअघि सरकारको नेतृत्व गरिसकेको र शान्ति र संविधानलाई निष्कर्षमा पुर्‍याउन नसकेकोले अबको सरकार आफूले चलाउनु पर्ने तर्क गरेको छ । एमालेले पनि सहमतीय सरकारमा आफ्नो दावी यथावत राखेको छ ।