मेची कोशीमा अनिश्चितकालिन यातायात बन्दको आह्वान

लिम्वूवान डट व्लगस्पोट डटकम,काठमाडौं

आफना सहकर्मीलाई हिरासतमुक्त गर्नुपर्ने माग गर्दै यातायात मजदुरहरुले आजदेखि मेची कोशीमा अनिश्चितकालिन यातायात बन्दको आह्वान गरेका छन् । बन्दका कारण दुवै अञ्चलमा यातायात सञ्चालन भएका छैनन् । जसले गर्दा सर्वसाधरण मारमा परेका छन् । गत पुस १६गते झापाको बुधबारेमा बा १ ख ९७१७ नम्बरको बसले ठक्कर दिएर स्थानिय दुर्गाप्रसाद पोख्रेलको मृत्यु भएपछि चालक गोपाल तामाङलाई हिरासतमा राखेको भन्दै नेपाल यातायात स्वतन्त्र मजदुर संघ संगठनहरुले बन्दको आह्वान गरेका हुन् । तामाङलाई बिना सर्त रिहा नगरेसम्म यातायात सञ्चालन नगरिने मजदुरहरुले जनाएका छन् ।