अख्तियार दुरुपयोग अनुसन्धान आयोगद्वारा राष्ट्रिय खेलकुद परिषद्लाई पत्र

लिम्वूवान डट व्लगस्पोट डटकम,काठमाडौं

सर्वोच्य अदालतबाट अमान्य घोषित नेपाल ओलम्पिक कमिटीले गर्ने आर्थिक कारोबारको विषयमा प्रश्न उठाउँदै अख्तियार दुरुपयोग अनुसन्धान आयोगले खेलकुदको सर्वोच्य निकाय राष्ट्रिय खेलकुद परिषद्लाई पत्र काटेको छ । अनुसन्धान अधिकृत उत्तम पाण्डेद्धारा हस्ताक्षरित पत्रमा सर्वोच्यले अमान्य घोषित गरिसकेको ध्रुवबहादुर प्रधान अध्यक्ष रहेको ओलम्पिक कमिटी कुन कानुन र विधानअर्न्तगत सञ्चालन भएको हो र यो कमिटीको नियन्त्रण र आर्थिक ऐन नियम उपलब्ध गराउन परिषद्लाई आग्रह गरिएको छ । परिषद् स्रोतले अख्तियारको पत्र पुस २२ मै प्राप्त भएको जानकारी दियो । 'हामीलाई प्रधान (ध्रुवबहादुर) कमिटीको आर्थिक नियमन कसले गर्छ । यससम्बन्धमा सम्पूर्ण कागज उपलब्ध गराउन भनिएको छ', परिषद्का एक पदाधिकारीले भने । अख्तियारले पुस १८ गते नै प्रधान अध्यक्ष रहेको कमिटीको सम्बन्धमा परिषद्लाई पत्र काटेको थियो।