झलनाथलाई झापड हान्ने रेग्मीलाई १५ दिन थुन्न आदेश

लिम्वूवान डट व्लगस्पोट डटकम,काठमाडौं

एमाले अध्यक्ष झलनाथ खनाललाई झापड हान्नेबिरुद्ध एमाले कार्यकर्ताले प्रदर्शन गरेका छन्। खनाललाई झापड हान्ने सुनसरी भरौलका देवीप्रसाद रेग्मीलाई कार्वाहीको माग गर्दै युवा संघ र अनेरास्ववियुले आधा घण्टा इटहरीमा चक्का जाम गरेका छन्। प्रदर्शनका क्रममा प्रहरीले शान्ति-सुरक्षा दिन नसकेको भन्दै प्रहरीविरुद्ध पनि नाराबाजी गरेका छन्। प्रदर्शनकारीले इटहरीको चोकमा आधा घण्टासम्म चक्काजाम गरेका छन्।
उता अध्यक्ष झलनाथ खनाललाई झापड हानेको अभियोगमा पक्राउ परेका देवीप्रसाद रेग्मीलाई भने सार्वजनिक अपराधको मुद्दा दायर गरिएको छ। एमाले सुनसरी जिल्ला कार्यालय सचिव गोविन्द कार्कीको जाहेरीमा दायर मुद्दामा प्रमुख जिल्ला अधिकारीले रेग्मीलाई १५ दिन थुन्न आदेश दिएका छन्। सार्वजनिक अवराध ऐनको मुद्दामा तारेखमा छाड्ने वा २८ हजार रुपैयाँसम्म जरिवाना गर्ने अधिकार प्रमुख जिल्ला अधिकारीलाई हुन्छ।