राष्ट्रसंघीय मिसन अन्मिनलाई पुनः पत्रचार गर्ने

लिम्वूवान डट व्लगस्पोट डटकम,काठमाडौं

सरकारले माओवादी लडाकूको हतियार सेना समायोजन विशेष समितिलाई बुझाउन नेपालस्थित राष्ट्रसंघीय मिसन अन्मिनलाई पुनः पत्रचार गर्ने भएको छ । मन्त्रिपरिषद्को बिहीबार बसेको बैठकले माओवादी अध्यक्ष पुष्पकमल दाहाल 'प्रचण्ड' नेतृत्वको सरकारले गरेको निर्णयलाई नै उदृत गर्दै हतियार बुझाउन अन्मिनलाई पत्रचार गर्ने निर्णय गरेको हो । एक पक्षिय रुपमा सरकारले हतियार माग्दैमा दिन नसकिने अन्मिन प्रमुख करिन लनग्रेनको भनाईपछि सरकारले माओवादी नेतृत्वको सरकारले गरेको निर्णयलाई उदृत गर्दै हतियार बुझाउन अन्मिनलाई पत्रचार गर्ने निर्णय गरेको हो । प्रचण्ड नेतृत्वको सरकारले लडाकु र हतियारलाई विशेष समितिको मातहतमा ल्याउने निर्णय गरेको थियो ।