तीनदलको बैठक निष्कर्ष बिहीन, बैठक भोलि पनि बस्ने

लिम्वूवान डट व्लगस्पोट डटकम,काठमाडौं

सहमतीय सरकार गठनको टुंगो लगाउन प्रमुख तीन दलले गोकर्ण रिसोर्टमा विभिन्न चरणमा छलफल गरेपनि अन्ततः कुनै निष्कर्ष निकाल्न सकेनन्। सहमतीय सरकार गठनका लागि राष्ट्रपति डाक्टर रामबरण यादवले दिएको थप समयसीमा आज सकिंदै छ। सहमति जुटाउने प्रयास स्वरुप आज तीनदलबीच विभिन्न चरणमा द्विपक्षीय र त्रिपक्षीय छलफल भएको थियो। तर तीनै दलले सरकार नेतृत्वको दाबी नछाडेपछि सहमतीय सरकार गठन हुने संभावना लगभग टरेको छ। यद्यपी बैठकमा सहभागी नेताहरुले भने सहमतीय सरकार गठनका लागि छलफललाई भोलि पनि निरन्तरता दिने प्रतिक्रिया दिएका छन्।