विवादका कारण माओवादीको देशब्यापि प्रशिक्षण स्थगित

लिम्वूवान डट व्लगस्पोट डटकम,काठमाडौं

आन्तरिक विवादका कारण एकीकृत नेकपा माओवादीको देशव्यापी प्रशिक्षण कार्यक्रम प्रभावित भएको छ । उपाध्यक्ष डा. बाबुराम भट्टराईले आफ्नो फरक मत पनि प्रशिक्षणमा राख्न पाउनु पर्ने माग गरेपछि भोलीका लागि तय गरिएका प्रशिक्षणहरु स्थगित भएका छन् । पार्टी केन्द्रीय कार्यालय कोटेश्वर पेरिसडाँडामा मङ्गलबार बसेको स्थायी समिति बैठकले भोलीका लागि पोखरामा तय गरिएको तमुवान र मगरात राज्यसमितिको प्रशिक्षण स्थगित गर्ने निर्णय गरेको सचिव सीपी गजुरेल 'गौरव'ले जानकारी दिनुभयो । प्रशिक्षण विवाद समाधानका लागि भोली पोलिट्ब्यूरो बैठक र पर्सी केन्द्रीय समिति बैठक बोलाइएको छ ।काठमाडौंको भृकुटिमण्डपमा आयोजित नेवाः र ताम्सालिङ राज्य समितिको संयुक्त प्रशिक्षणमा हिजो भट्टराई पक्षधरले सहभागिता जनाएका थिएनन् ।