आजै संविधानसभाको म्याद तीन महिना थपिने

लिम्वूवान डट व्लगस्पोट डटकम,काठमाडौं

संविधानसभाको म्याद सकिन दुई दिनअघि नै आज बेलुकीसम्म तीन महिनाको लागि संविधानसभाको म्याद थपिने भएको छ ।म्याद थपका विषयमा सहमति जुटाउन अहिले दलहरुबीच छलफल चलिरहेको छ । नवनिर्वाचित प्रधानमन्त्री डा. बाबुराम भट्टराईले म्याद थपका लागि आज संविधान संशोधन विधेयक संसदमा पेस गर्नेछन् । संसदमा विधेयक पारित हुन कम्तिमा ७२ घण्टा लागेपनि यसलाई छोट्याएर केही घण्टामा विधेयक पारित गरिने छ ।झलनाथ खनाल नेतृत्वको सरकारले यसअघि नै संविधानसभाको म्याद तीन महिना थप गर्न संविधान संशोधन विधेयक संसदमा दर्ता गरिसकेको छ । यस प्रस्तावमा माओवादीले भने असहमति जनाउँदै आएको छ । तर त्यही प्रस्ताव अनुसार नै आज संविधानसभाको म्याद तीन महिना थपिने बताइएको छ ।