त्रिभुवन विमानस्थलका कर्मचारीले बिना सूचना अचानक हड्ताल

लिम्वूवान डट व्लगस्पोट डटकम,काठमाडौं

भदौ ५- त्रिभुवन विमानस्थलमा कार्यरत तीन सय कर्मचारीले बिना सूचना अचानक हड्ताल गरेका छन्। विभिन्न सेवा प्रदायक ठेकेदार कम्पनीमार्फत विमानस्थलमा काम गरिरहेका सरसफाइ, सवारी चालक, ट्रली कलेक्टर, जहाज उडान तालिकाबारे जानकारी दिने उद्‍घोषकहरु हड्तालमा उत्रिएका हुन्। 'कर्मचारीहरुले बिना सूचना अचानक काम रोकेका छन्', विमानस्थलका महाप्रबन्धक रतिशचन्द्रलाल सुमनले नागरिकन्युजसँग भने, 'उनीहरुले तलब सुविधा बढाउनु पर्ने माग गरेका छन्।'राष्ट्रिय तथा अन्तर्राष्ट्रिय उडानमा तत्कालै केही प्रभाव नपरे पनि यात्रुहरुलाई भने हड्तालका कारण समस्या परेको छ। हड्ताल लम्बिरहे उडान प्रभावित हुनसक्ने उनले बताए।