लिम्वूवान डट व्लगस्पोट डटकम,काठमाडौं/देबेन्द्र सम्बाहाम्फे
सउल भाद्र १२,गैर आवासीय नेपाली बिचको एकता आजको आवश्यकता भन्ने नारा सहित आइतबार सउल दुङदेमुन जुङग कुमि हलमा भएको तेश्रो अधिबेशनले एन आर एन कोरियाको नया कार्य समिति चयन गरेका छ । अध्यक्ष पदमा २३२ मत प्राप्त गरि के पी सिटौला निर्बाचित भएका छन् । उनको प्रतिद्धन्दि ध्यान राई ९० ले मत पाएका थिए । त्यस्तै आइ सी सी प्रतिनिधीमा डा.देवी बस्नेत,उपाध्यक्ष त्रय राजु क्षेत्री, लोचन राई र मणि लामा सचिब प्रकाश धमला सचिब सह सचिब राजीब भण्डारी कोषाध्यक्ष सिर्जना नेपाली र सदस्यहरु भरत सेढाई,लोकनाथ खरेल,मनोज डाँगी,हरिकृष्णश्रेष्ठ, नारायण थपलिया,सरोज महतो,रुपेश भट्टराई,गोमाकुमारी सापकोटा निर्बाचित भएका छन् । कोषाध्यक्ष र सह सचिब बाहेकका पदमा समझदारी हुन नसकेपछि राती अबेरसम्म मतदान भएको थियो । कुल मतदाता ५२६ रहेकोमा ३८३ मत मात्र खसेको थियो भने मत गणना नेपाली राज दूताबासको सभा कक्षमा गरिएको थियो ।अधिबेशनका प्रमुख अतिथि एनआरएन अध्यक्ष देबमान हिराचनले एनआरएन धनि गरिबको संस्था नभइ प्रबासमा रहेका सबै नेपालीको साझा सस्था हो भन्दै आठ बर्Èमा यो सस्थाले धेरै काम गरि सकेको बताए । अध्यक्ष हिराचनले प्रबासमा आर्जन गरेको आय र सीप रास्ट्र निर्माण्ँको लागि प्रयोग गर्न सुझाब दिदै नया“ संबिधान शीघ्र निर्माण्ँको लागि प्रबासबाट पनि दबाब दिनु बताए ।
अर्का अथिति एन आर एन हङकङका सदस्य ललित सुब्बाले एनआरएन अभियानले सबै क्षेत्र र बर्गलाई समेट्नु पर्ने बताए । बिशेष अतिथि राजदुत कमलप्रसाद कोइराला, एसिया प्यासिफिक सह संयोजक रुद्र शर्मा, एन आर एन आइसीसी सदस्य गंगा राई, आइ सी सी प्रतिनिधि डा देबी बस्नेत आदि बक्ताहरुले एन आर एनलाई राजनीतिक प्रभाबबाट मुक्त गरि कार्यमुखी बनाउनु पर्ने कुरामा जोड दिएका थिए । जन अधिकार मञ्च कोरियाका अध्यक्ष बिष्णु क्षेत्रीले मजदुरहरुको प्रतिनिधी ब्यपारी हुनु युक्ति संगत नहुने बताउदै एनआरएनमा मजदुरहरु निर्णायक हुनुपर्ने बताए । त्यस्तै सोन्सीकका अध्यक्ष आस्था मल्लले पनि एनआरएनले पत्रकार,मजदुर,महिला,बिध्यार्थीको समस्याहरुलाई सम्बोधन गर्नुपर्ने बताइन् । पहिलो उदघाटन सत्रको अन्तमा नै निबर्तमान अध्यक्षले कार्यअवधि समाप्त भएको घोषणा गरेपछि उपस्थित समुदायबाट आलोचना गरिएको थियो । सो अधिबेशनमा अध्यक्ष बिनोद कुवरको अध्यक्षता र ध्यान राईले स्वागत मन्तब्य ब्यक्त गरेका थिए ।
No comments:
Post a Comment