प्रधानमन्त्रीका लागि भदौ ११ गते आइतवार चुनाव

लिम्वूवान डट व्लगस्पोट डटकम,काठमाडौं

प्रधानमन्त्रीका लागि भदौ ११ गते आइतवार व्यवस्थापिका संसदमा बहुमतीय प्रक्रियाबाट पहिलो चरणको चुनाव हुने भएको छ । कार्यव्यवस्था परामर्श समितिको बिहीबार बिहान संसद सचिवालयमा बसेको बैठकले प्रधानमन्त्री चयनको कार्यतालिका बनाएको हो । शुक्रबार अपराहृन पाँच बजेसम्म प्रधानमन्त्रीको उम्मेदवारी दर्ताको समय तोक्ने निर्णय गर्दै समितिले ११ गते अपराहृन १ बजे पहिलो चरणको चुनाव गर्ने भएको छ । वैठकले १२ गतेको संसद बैठकमा संविधानसभाको म्याद थपका लागि अन्तरिम संविधान दशौं संशोधन प्रस्ताव पेश गर्ने सहमति भएको वैठकमा सहभागि एक नेताले बताए । दलहरुबीचको सहमतिलाई आजै बस्ने व्यवस्थापिका संसद् बैठकले अनुमोदन गर्ने नेताहरुले बताएका छन् ।