म्याद थपका लागि संविधान संशोधनको प्रस्ताव दर्ता

लिम्वूवान डट व्लगस्पोट डटकम,काठमाडौं

भाद्र ६ - सरकारले संविधानसभाको म्याद तीन महिना थप्ने गरी अन्तरिम संविधानको १०औं संशोधन विधेयक संसद सचिवालयमा दर्ता गराएको छ । सरकारका तर्फबाट उपप्रधानमन्त्री भरतमोहन अधिकारीको नेतृत्वमा गएको टोलीलले उक्त संशोधन प्रस्ताव दर्ता गराएको हो । यसअघि मन्त्रिपरिषद् बैठकले संविधानसभाको म्याद तीन महिना थप्ने निर्णय गरेको थियो । माओवादीले छ महिना थप्नुपर्ने भन्दै मन्त्रिपरिषद् बैठक बहिष्कार गरेको थियो । संविधानसभाको म्याद भदौ १४ मा सकिदैंछ । संविधानसभाको म्याद तीन वर्ष तीन महिना हुनेछ भन्ने संवैधानिक व्यवस्थाको ठाउँमा संशोधन गरी संविधानसभाको अवधि तीन वर्ष छ महिना हुनेछ भन्ने उल्लेख गर्न सरकारले प्रस्ताव गरेको छ ।