माओवादी सहमतीय सरकारको नेतृत्व गर्न तयार

लिम्वूवान डट व्लगस्पोट डटकम,काठमाडौं

एकीकृत नेकपा माओवादीका नेता वर्षमान अनन्तले लडाकुको बर्गीकरण गरेर माओवादी सहमतीय सरकारको नेतृत्व गर्न तयार रहेको बताएका छन् । आज राजधानीमा भएको एक कार्यक्रममा उनले भदौ १४ अघि नै लडाकु वर्गीकरण गरेर सहमतिय सरकार निर्माण गर्न माओवादी तयार रहेको बताएका हुन् । समायोजनको मोडालिटी, संख्या, पुर्नस्थापना प्याकेज, उमेर, बैवाहिक अवस्था र शैक्षिक अवस्थामा लचकता अपनाउने र आठ हजारको हाराहारीमा समायोजना गर्ने भनि शीर्ष नेताहरुबीच अनौपचारिक रुपमा सहमति भइसकेको उनले बताए । पुनःस्थापना प्याकेज आर्कषक बनाए संख्याको विवाद समाधान हुने उनले दर्जा मिलानमा नेपाली सेना र माओवादी कमाण्डरहरु बसेर सहमति खोज्न सकिने विचार व्यक्त गरे ।