News

Aug 25, 2011

चार सभासद्‍ आज संसदबाट निस्कासित

लिम्वूवान डट व्लगस्पोट डटकम,काठमाडौं
भदौ ८ - संवैधानिक राजतन्त्रको वकालत गर्दै आएको दल राप्रपा नेपालका चार सभासद्‍ आज संसदबाट निस्कासित भएका छन्। व्यवस्थापिका संसदको वैठकमा अवरोध गर्न थालेपछि सभासद्‍हरु चन्द्रबहादुर गुरुङ, बबिना मोक्तान, कुन्ती शाही र रामनारायण सिंहलाई एक दिनका लागि 'निलम्बित' गरिएको हो। व्यवस्थापिका संसदको वैठक सुरु भएपछि राप्रपा नेपालका सभासद् रामनारायण सिंहले लामो भाषण गरेका थिए। भाषणको अन्त्यमा उनले संसद अवरुद्ध गर्ने प्रयास गरे। उनीलगायत चार सभासद उठेर नारावाजी गर्न थालेपछि सभामुख सुभाष नेम्वाङले ससम्मान बाहिर निस्कन आग्रह गरेका थिए। तर, उनीहरुले नटेरेपछि सभामुखले मर्यादापालक लगाएर उनीहरुलाई बाहिर निकालेका थिए। आइतबार १ बजे प्रधान मन्त्रीको निर्वाचन गर्ने घोषणा गरेका छन्। घोषणा लगत्तै वैठक समाप्त भएको छ।

No comments: