कांग्रेसले प्रधानमन्त्रीमा रामचन्द्र पौडेललाई उम्मेदवार बनाउने निर्णय

लिम्वूवान डट व्लगस्पोट डटकम,काठमाडौं

नेपाली कांग्रेसले पार्टीका तर्फबाट बहुमतीय सरकारका लागि प्रधानमन्त्री पदमा रामचन्द्र पौडेललाई उम्मेदवार बनाउने निर्णय गरेको छ । उम्मेदवार तय गर्न पार्टी कार्यालय सानेपामा आज बसेको बैठकले नेता पौडेललाई उम्मेदवार बनाउने निर्णय गरेको हो । आजको बैठकमा सभापति सुशील कोइरालाले पौडेललाई प्रधानमन्त्रीको उम्मेदवार बनाउने गरी गरेको प्रस्तावमा बरिष्ठ नेता देउवाले समर्थन गर्नुभएको थियो । यद्यपी नेता देउवा भने बैठकमा उपस्थित हुनुभएको थिएन । उहाँले फोन गरेर आफ्नो समर्थन रहेको जानकारी गराउनुभएको थियो ।