मधेशी मोर्चाद्वारा सर्वोच्चको फैसला बिरुद्ध प्रदर्शन

लिम्वूवान डट व्लगस्पोट डटकम,काठमाडौं

भाद्र ९ - सर्वोच्च अदालतले दौरा सुरुवाललाई राष्ट्रिय पोशाक भनेर गरेको फैसलाको बिरोधमा संयुक्त लोकतान्त्रिक मधेशी मोर्चाले शुक्रबार विभिन्न जिल्लामा बिरोध प्रदर्शन गरेको छ । पूर्व निर्धारित कार्यक्रम अनुसार मोर्चा कार्यकर्ताले सर्वोच्चको फैसलाको प्रतिलिपी जलाएका छन् । राजधानी काठमाडौं लगायत तराई मधेशका जिल्लाहरुमा मोर्चा सम्वद्ध कार्यकर्ताहरुले उक्त निर्णयको बिरोधमा प्रदर्शन गरेका छन् । मोर्चाले एक भाषा र एक भेषको पञ्चायतकालिन नीति लाद्न खोजिएको बताएको छ । मोर्चाका नेताहरुले बिहीबार उक्त विषयमा संसदमा बिरोध गरेपछि सभामुखले सरकारलाई रुलिङ गरेका थिए । सभामुख सुवास नेम्वाङले हिमाल,पहाड,तराई सबै क्षेत्रका सबै जातिको सांस्कृतिक पहिरन राष्ट्रिय पोसाक भएको तर्फ सरकारको ध्यानाकर्षण गराएका हुन् । मधेशी नेताहरुले दौरा सुरुवालप्रति आफूहरुको कुनै पूर्वाग्रह नभएको भन्दै दैरा सुरुवाल मात्र राष्ट्रिय पोसाक भन्ने निर्णय मान्य नभएको भनेका छन् । परासीमा मोर्चाका कार्यकर्ताहरुले बिरोध र्‍याली गर्नुका साथै जिल्ला अदालत अगाडि सर्वोच्चको फैसलाको प्रतिलिपी जलाए ।