News

Aug 30, 2011

ठमेलमा अपहरणकारी र प्रहरीबीच गोली हानाहन

लिम्वूवान डट व्लगस्पोट डटकम,काठमाडौं
भाद्र १३ - ठमेलस्थित एक होटलमा राखिएको अपहरितलाई मुक्त गराउने क्रममा मंगलबार दिउँसो प्रहरी र अपहरणकारीबीच गोली हानाहान भएको प्रहरीले जनाएको छ । प्रहरीको गोली लागि एक जना अपहरणकारी घाइते भएका छन् भने प्रहरी तर्फ केही भएको छैन । घाईते शितल तुलाधरलाई प्रहरीले अस्पताल लगेको छ ।दुई दिने देखि अपहरणमा परेका सिंगापुरमा ब्यवसाय गर्ने गोविन्द बहादुर कार्कीलाई शकुसल उद्दार गरिएको छ ।कार्कीलाई अपहरण गरेर ठमेलस्थित होटेल शैलुनमा राखेको जानकारी पाएपछि उद्दार गर्न पुगेको महानगरिय प्रहरी अनुसन्धान शाखाका प्रहरी माथि गोली प्रहर गरेपछि प्रहरीले जवाफी फायरिङ् गरेको जनाएको छ ।प्रहरीले अपहरणमै संलग्न अन्य दुई जना कुशल शाक्य र आशिश मुखियालाई पक्राउ गरेको जनाएको छ । उनीहरुले कार्कीलाई होटलको सातौं तलामा रहेको ५०२ नम्बरको कोठामा राखेको बताइएको छ ।

No comments: